週末任我點：秘魯係冷門，但睇數據實力在丹麥之上—雖然有啲水份｜李聲揚
眼瞓，快手講。唔知做乜嘅睇返舊文。用Elo Rating 同賠率比較，睇下邊啲隊被低估。暫時四場，三場中，一場打和。最重要係估中伊朗可以砌低摩洛哥—你見賠率係摩洛哥熱好多的。
伊朗明明勁過摩洛哥：睇下點從Elo rating搵到馬會(市場)錯價｜李聲揚
呢篇文講點樣由Elo rating 搵返「合理」嘅賠率，然後睇下有乜係錯價，同埋有乜搵食機會。換句話講，即係睇下，有咩隊係被明顯高估／低估，令到個賠率太偏離基本因素。例如（而家冇了）可能Ｎ年前人人鍾意買英格蘭，高估佢實力，整熱晒個賠率，咁就其實買對面合理啲 建議先睇咗呢兩篇教學文： 唔講戰術人腳，純數字分析世界盃分組同奪冠， 劇本決賽就係巴西對德國，巴西捧盃，報仇成功。得睇再睇埋： …
仲搞唔掂嘅建議睇呢兩篇教學文：唔講戰術人腳，純數字分析世界盃分組同奪冠，劇本決賽就係巴西對德國，巴西捧盃，報仇成功。得睇再睇埋：比馬會更準的估波必勝法
因為某啲原因，之前篇文寫咗星期五晚嗰幾場，星期日晚又寫埋，就冇星期六晚。咁真係因為我有強迫症，就而家寫埋佢，咁先完滿，可以上床瞓覺。
廢話小講，睇圖，賠率，同埋Elo Rating，以及預計勝出率：
家山有福，四場都係主隊熱門。而其實有三場分野都幾大。法國對澳洲固然唔使講。但比較有趣係阿根廷對冰島都有78%勝望，同法國對住澳洲差不多？又踼落睇下點。另一樣嘢就係，法國阿根廷，80%/78%勝望，但賠率1.14/1.25，係唔抵的。點解咁講？你睇其他場次（睇舊文）有80%嘅，唔止賠咁少。
重點當然其實又係返返去啲勢均力敵，大家少見啲嘅中游球隊。正如上篇文討論最多嘅係伊朗摩洛哥，以及哥斯達黎加塞爾維亞。用投資術語，呢啲先係藍海，less crowded，under-research，alpha靠呢啲．
睇秘魯對丹麥，又係打交時間。丹麥熱門，賠率同星期五摩洛哥對住伊朗差不多。但一樣啦，上次摩洛哥對伊朗，摩洛哥熱門但Elo話伊朗勁啲，結果伊朗真係拎三分。今次呢，Elo話秘魯勁嘅。而秘魯—丹麥嘅差距，同伊朗—摩洛哥差不多，當真？
咁，理論上就市場（賠率）低估秘魯高估丹麥啦，名牌嘛。但今次我都有少少保留。戴定頭盔。你望下秘魯個分成1900之上 ，但克羅地亞先1850。有冇咁勁呀？
之前啲文，或者好多人都知FIFA排名唔多準，特別係會低估東道主（唔止因為主場優勢，而係東道主只踢友賽）。所以俄羅斯個FIFA排名被低估。十分易明
但，好行貨但好真一句，冇系統係完美嘅。我認為秘魯個分有啲水份（係，人就係咁茅盾，我寫咁多篇同你講唔要個人感情信數據，但而家我都開始唔多信！）。
詳情唔多講，但Elo Rating，不外乎都係你贏到或打和勁隊就大幅加分，勁隊失利就係咁扣—同埋場場計，唔會好似FIFA咁成個月。問題嚟啦喎，秘魯啲分，當然係南美區度嚟。南美區全部都唔係善男信女，全部都高分。偶然幾場渣流灘畀秘魯，就執好多分架啦。以前應仲有啲分係高原主場積落，但而家好似用海平面嘅利馬做主場。總之，我理解不停咁對強隊，長遠係對Rating 有so．
所以呢，睇數字就秘魯被低估。但係咪真係重槌就你諗你。
