「俊？ 你邊L度俊？」靚唔靚呢家野就一向都非常見仁見智嘅，無啱定錯。
但係好似碧咸、卡卡、C朗、費蘭度-托利斯、萊斯、托迪丶尼斯達同馬甸尼呢啲，就一向被公認為近年球壇嘅美男子象徵，即係你連拗都無需要拗。咁碧咸千變萬化嘅造型，C朗嘅雄渾肌肉，費托像公仔般標緻嘅五官和可愛嘅雀斑，萊斯嘅潮味，三位意大利型男嘅佬味和飄溢嘅秀髮……..又嘅確俘虜了男女球迷嘅心。男球迷？ 無錯，男球迷，而且唔係同性戀者嘅專利。
在香港，大部分像筆者一樣嘅「85前」球迷應該大都是因為接觸國際賽而留意足球嘅。因為從前聯賽亦唔似而家一樣每週定期播放；反而像世界盃這樣嘅大賽，由於當年仲係免費電視播，所以國際賽對早一輩嘅球迷來說有比較大嘅震撼。
年少鐘意西德和意大利，也不會理甚麼恩怨情仇。這兩隊嘅原因也非常簡單，在電視或報刊中看到奇連士文便喜歡西德，看到文仙尼和巴治奧咁型又會想留意多點意大利。欣賞這些人也不代表甚麼，也許當時幾歲嘅我只是想着：「嘩，佢地咁靚仔，第日好似佢地咁就好啦！」
88-90年嘅奇連士文，其實比起1994年更要靚仔多一點。其實睇返照片也不難發現90年世界盃嘅奇哥其實頭髮較濃厚，一頭長金髮，有點像李察基爾嘅五官，身型健美……其實相信「金色轟炸機」奇連士文嘅出眾外型也是吸引了不少球迷嘅；意大利球員就不用多說，由文仙尼、巴治奧，馬甸尼到後來嘅尼斯達、恩沙基、迪比亞路、托迪同路卡-東尼等，均是有着一頭一頭半長不短嘅微卷髮，比西歐人更深嘅輪廓和較黝黑嘅膚色，看起來出眾一點……加上球場內外嘅衣裝都漂亮（意大利時裝不用多談，而且小時候嘅男生很多都喜歡藍色），實在令人着迷。
而這段時間入面，我便發覺兩位德、意球員嘅俊俏是非常非常被低估： 德國有他們嘅「頭鎚皇」列度，而意大利便有AC米蘭嘅後衛哥斯達古達。列度雖然也是名超頂級嘅美男子，但就不多人談論。可能列度被同期、同位置嘅奇連士文搶了不少風頭，始終金髮大眼嘅奇連士文就係那種典型漫畫中白馬王子嘅造型。而列度嘅膚色稍為黝黑，有一臉短短嘅鬚渣，看上去比較像南歐那邊嘅人。反而這種類型比金毛嘅娃娃臉更經得起時代嘅洗禮，即係越看越好看，也越老越型。2015年歐聯決賽（巴塞對祖雲達斯），曾為多蒙特奪得歐聯冠軍嘅列度為歐洲足協捧出歐聯嘅冠軍獎盃，當他進場嘅時候我不自覺地「嘩！」了一聲，想不到他在二十多年後比以往更有型更迷人。列度行進球場時嘅氣場是令人窒息嘅，甚至比模特更模特。
哥斯達古達和馬甸尼年紀相若，其實在吸睛嘅角度看也有點「嘅生瑜、何生亮」之感。和奇連士文與列度嘅情況相似，兩人差不多同期、同位置，名將之後嘅小馬甸尼則受盡世人注視，反而哥斯達古達就比較少人話佢係靚仔。何等嘅可惜？！ 論俊美，其實「靚仔版王合喜」哥斯達古達絕對不比任何一位意大利球員差。奈何，踢法較沉實不亮眼嘅哥斯達古達也許就是沒有那麼被重視。
哥斯達古達和列度，都是90年代被嚴重低估和少人談論嘅型男。睇近照，哥斯達古達和年輕時比就差了點，還是喜歡他那獨特但不老土嘅中長度中間分界頭，現在嘅蛋撻頭髮型令他不再瀟瀟；反而列度嘅佬味爆棚，都現在越老越有味道。個人而言，列度與同Sell佬味和型男路線嘅碧感比，論吸引力實在猶有過之。其實90年代嘅球員，例英格蘭嘅列納、巴西嘅李安納度、法國嘅真路拿和阿根廷嘅列當度和巴迪斯圖達，都係好波（列納還好吧……）而且外型吸引嘅美男子。
列納現在不時在英國嘅天空電視代任評述工作，穿起「三件頭」嘅西裝，身影樣貌依然保養得宜。筆者年輕時總是認為麥馬拿文比列納有型嘅，但又是一個後來居上嘅個例： 金髮娃娃臉不耐看；李安納度…..和之後嘅卡卡都是巴西象徵式嘅足球美男子。但我又更喜歡李安納度拿時常眉頭深鎖嘅認真樣子。巴西出產嘅白人球員其實都好看；巴迪斯圖達相對樣貌沒有那麼美，不過他嘅外型和極藍嘅眼睛也有他嘅獨人吸引力。
美男子有三種：一種五官標緻，一種是保養得宜，一種是充滿神秘繼而令你充滿幻想嘅那種。
五官標緻嘅有費托，卡卡、法國嘅哥古夫和奇連士文這類； 保養得宜有感覺時尚嘅就是碧咸、列度、真路拿和列納那種。
最後一種是你解釋不出嘅型，樣子未必是漂亮，但看着他有有着懾人嘅魔力。這種人嘅例子是如施丹、巴迪斯圖達、巴治奧、捷西斯-拿華斯（前曼城，現西維爾那位）和意大利嘅奧斯華度。拿捷西斯-拿華斯來做例子，他其實相貌和身型也不能說得上極完美，但他那雙眼睛其實和巴迪斯圖達一樣帶著極強嘅魔力。其實呢啲 sell味道嘅才是最難求，而個人覺得列度也可以歸納於這一項。
到了今時今日，邊個係筆者心目中嘅最型嘅現役球員？ 而現役球員中，個人覺得PSG門將查普（Kevin Trapp）是極度俊美嘅男人，就像「足球界嘅高以翔」…….不過唔好波，咪就係爭咁呢啲。連意大利國家隊近年顏值下滑，法國又差不多9成黑人（暫不懂欣賞）……其實球壇想睇靚仔係比以前難了。可幸嘅係，筆者現在長大成人已經明白足球嘅趣味，已經唔駛為睇靚仔先睇波。但下一輩，如現在幾歲嘅小朋友……好似難再像我們這一代般，有又好波又靚仔嘅球星吸引你去睇波。C朗、費托和萊斯有日退休之後可能更少。
