讓世界懂得他名字：馬高斯阿朗素（上）| 藍獅
即使是千里馬，也要得到伯樂賞識扶持，而今次嘅故事主角，正是遇上干地，成為佢人生嘅伯樂，令職業生涯從此變得不一樣，佢叫馬高斯阿朗素。
出生自足球世家嘅佢，並非順風順水，經歷過高低起跌，好不容易才得到加盟豪門嘅機會，並接上車路士傳奇左閘嘅3號波衫。然而最初球迷們對這單收購不敢抱太大期望，畢竟自艾殊利高爾(Ashley Cole)離開後，除了艾斯派古達兼任左閘位合適外，收購番黎擁有各自聯賽名涵嘅菲臘比路易斯(Filipe Luís Kasmirski)以及巴巴拉文(Baba Rahman)都可算是失敗告終，更何況馬高斯阿朗素喺加盟車路士前可以話藉藉無名。
開季後，干地果然未有即時確立馬高斯阿朗素喺正選左閘地位，繼續對艾斯派古達委以重任，而球隊在場上整體表現亦未見得十分理想。在新加盟的球員當中，只有簡迪當上正選位置，其餘大多數都是後備上陣或留待在冷板凳上，亦令球迷開始擔心馬高斯阿朗素是否不適合干地嘅戰術體系，會否同樣得到水貨之名敗走藍橋。
正喺哩個時候，球隊經歷輸比利物浦以及大敗比阿仙奴兩賽後，干地亦隨即選擇轉陣應戰，而備戰以久嘅馬高斯阿朗素終於以正選左翼衛身份登場，球員對於此位置似乎無需任何實戰時間已經能以駕馭。身後擁有專注防守嘅卡希爾，令佢可以配合夏薩特等球員組織進攻。擁有精準長傳嘅左腳，同時並非底線傳底強行出波嘅球員，對陣曼聯助攻柏度的那一球也成為本季嘅焦點，而球員在進攻時偏好走入禁區，使他偶有斬獲，處理罰球嘅質素亦是賣點之一。當然，每個球員都總有缺點，天生左腳嘅佢可以話係一匹單蹄馬，右腳射門只會令人嚇一驚。而且球員並非天生速度型，眼見不少球迷希望他能在這方面提升，但對於今年將會27歲嘅佢，不年老亦不屬年輕之齡，平心而論還有多少能耐可以讓他在速度上作出顯注進步。
如果以左翼位來說，車路士擁有馬高斯阿朗素，以及季中回收嘅艾基係理想人選，而干地似乎對堅離地嘅位置未有明確表示。小弟認為在人腳調動上，馬高斯阿朗素係有機會在未來擔當中堅角色，相比於正是由閘位改打中堅嘅艾斯派古達，阿朗素擁有直接將皮球由後場傳到攻擊線嘅能力，正正是本季干地安排雷斯嘅工作之一，這樣能確保後者即使在缺陣情況下職責亦有人能擔當上。而且阿朗素身材高大，正正能彌補艾斯派古達制空力不足嘅弱點，深化陣容完整性。當然一切都要留待到下季干地嘅安排。
由皇馬青年軍出身，因素質天賦不及其它球員而離開，到次一級球隊開始職業生涯，再一步一步打起登上豪門。讓世界懂得他名字，馬高斯阿朗素。
下回預告：為何還未得到西班牙第一頂喼帽 馬高斯阿朗素（下）
資訊浩瀚；東張西望。
竭盡所能；深入求真。
企高一格；全新體法。
