莫拉達的下一站：車路士？ | 藍獅
近期被傳媒炒得熱烘烘的，一定是車路士既夏薩特以及皇家馬德里既莫拉達（Álvaro Borja Morata Martín）。而據阿斯報報道，車路士將以現金方式6500萬歐元求購莫拉達，當中並不包含球員作交換條件。先不聚焦於新聞是炒作還是真相，單從戰術層面黎講，究竟莫拉達適合車路士嗎？
先從車路士主教練干地與球員既關係講起，兩人既共通點似乎都係喺祖雲達斯，但其實佢倆並沒有真正合作過，後者在干地離開後才加盟。不過，留下來的陣式繼續源用於352為主，而莫拉達正是在此陣下發揮到高水準評級，伙拍泰維斯（Carlos Alberto Martínez Tevez）在歐聯場上既表現更令球迷津津樂道，最後亦吸引到皇馬回購他回巴拿貝。
球員屬於多屬性而全面既攻擊手，無論邊路攻擊位置還是單前鋒都合適，對於現時既車路士陣容中的確缺少這類型既球員，同時在各大賽都帶到貨，可以話並非大賽隱形球員。假設干地真是來季使用352陣式，陣中必須擁有至少3名具質素既前鋒人選，而且莫拉達在祖雲達斯既表現可以話活現左佢喺352當中具有存在能力。
今季他在施丹（Zinedine Yazid Zidane）既手中並沒有得到穩定既上陣機會，只能活在賓斯馬（Karim Mostafa Benzema）的背後，在於出場時間與狀態掛鉤既前題底下，莫拉達上陣未有拎出在祖雲達斯時期既表現係可以理解的，而且年齡上佢的確需要上陣才可以有進步。對於西班牙國藉球員加盟車路士後都交出不俗既表現，似乎莫拉達穿起藍色戰衣並非無可能。當然，價錢與及其它條件亦是需要考慮既地方。
一切結果，留待到季後便會知道。
藍獅 每週末出文 用心寫每篇文章 給我們一個Like作支持 :
www.facebook.com/bluexlion/%5Dhttps://www.facebook.com/bluexlion/
資訊浩瀚；東張西望。
竭盡所能；深入求真。
企高一格；全新體法。
