今個1月除左有非洲盃外，中美洲盃亦都係今個星期開波。今屆參賽隊伍有：哥斯達黎加、薩爾瓦多、洪都拉斯、尼加拉瓜、巴拿馬及貝里斯。至於上屆得第二危地馬拉，因近年政治干預，而被FIFA停賽。
掲幕戰是洪都拉斯對尼加拉瓜，今屆賽事係巴拿馬舉行。洪都拉斯最終2比1贏波，今屆洪都拉斯人腳比起其他國家較齊腳，而對手尼加拉瓜只有少數球員外流，其餘來自國內。
而早前上演兩場比賽，是哥斯達黎加對薩爾瓦多及巴拿馬對貝里斯。
首先講哥斯達黎加對薩爾瓦多。哥斯達黎加以往係呢個盃視為熱門，但今屆人腳則以國內聯賽出戰，可見實力減半，今場對薩爾瓦多55波，而薩爾瓦多同樣人腳國內聯賽出戰，可留意前鋒Bonilla。14年他已經外流，今年係葡萄牙揾食，今場波佢都浪費左唔少機會。最終雙方各有機會各自浪費，0比0打和。
尾場巴拿馬對貝里斯，有主場之利的巴拿馬，今屆可否一嘗冠軍？以今場對貝里斯睇暫時有疑問，今年巴拿馬亦都比較齊腳一隊，但面對貝里斯未能入波。貝里斯( Belize)方面，若大家較少留意中美洲足球，可能對此國家不認識，但係中美洲盃常客，不過只係陪跑份子，一個小島國家要求不太多吧。貝里斯球員技術無話邊個突出，可留意10號前鋒Salazar，美國出世，現効力蒙特利爾衝擊，有身型衝刺力較好。
中美洲盃去到一月尾，有興趣留意吧。
