V.league越南聯賽開咧｜金仔足球
新一年既V.league上個星期開咧，今年本地球迷最多人談及是河內FC，皆因傑志又要對河內。新一年既河內都有變動，阿根廷雙外援其中一人Ormazabal 離隊，換來的是更高級數Moses Oloya。另外引入菲律賓中堅Alvaro Silva，希望可以改善防守問題。
講番場波，河內第一輪對手係上季排第四廣寧，上半場一開波2分鐘由中場小將阮廣海禁區外遠射得手，阮廣海今場入兩球，下半場佢射入罰球破網。另外，新加盟中堅Alvaro Silva亦都取得第一個入球，上半場30分鐘角球頂入。不過，今場河內防守力都有漏洞，當2分鐘後阮廣海入完波後，廣寧即刻反擊，廣寧前鋒Jardel二傳，範阮薩射入。下半場再入多球，Giang Trần Quách Tân(抱歉唔知點譯好)禁區外射門省中河內球員，再補射入網，結果河內3比2贏波。
今場河內表現未能作準，Moses Oloya 缺席，Moses Oloya係一位烏干達國腳，適逢今年一月非洲國家盃，Moses Oloya已經被烏干達徵召，而且非洲國家盃14日開波，外圍賽要26號踢完。相信25號既亞冠外都見唔到佢。Moses Oloya 缺席下，阿根廷外援Gonzalo Marronkle係中場變得重要。另外仲有已經歸化左前鋒Samson，不過佢今場腳風一般。至於廣寧，今年會參亞協盃，但今場缺少Patiyo Tambwe，由於越南足總只允許出兩名外援，攻撃力一般下，所以聯賽上只靠巴西前鋒Jardel。
另外，講講平陽，新一年已經輸波，不敵桑納慶和，平陽新一年係外援上有改動， Emmanuel及Ndabashinze的加盟相信係今年平陽主要依靠入球球員，另外Eyerakpo都已經歸化越南可以多一個人用，三位”黑人”係今年平陽唯一睇頭，本地球員只有少少變動。今年可唔可以一洗上年頽風，今場表現仲有距離。
