鈴木盃總結：菲律賓｜金仔足球
鈴木盃已經進入最後階段，係時侯總結各隊表現。先講呢一隊，被認為近年進步神速定新勢力嘅國家——菲律賓。大家都知道近幾年菲律賓足球進步上升，全因歸化球員加入令實力提高，只要你有菲律賓血統都即刻受到徵召。
要數近幾年菲律賓歸化球員最成功有大家熟悉Schrock、Younghusband兄弟，其後陸陸續續有Bahadoran、Iain Ramsay、Manuel Ott 加入，歸化班底就成近幾年菲律賓主力。而今年主場出撃鈴木盃，只有四個是百分百菲律賓血統。正所謂只要你有菲律賓血統，即刻有機會受到徵召，例如今年鈴木盃就有新血：日菲籍球員嶺岸光。嶺岸光第一間球會獻比菲律賓環球，上年為球隊攻入26球，今年則首次踢鈴木盃，但表現一般般，相信好快會被叮走。另一新血，Manuel Ott 弟弟 Mike Ott反而唔錯，二人喺前場攻擊性高。
菲律賓主力Manuel Ott，出身自恩高斯達特青年軍，目前效力本國球會Ceres–Negros F.C.。
可以司職中場或後衛的Schrock是德菲混血兒，目前同樣效力Ceres–Negros F.C.。
有咁多歸化球員，反而今年鈴木盃失望收場，呢三場菲律賓顯露同一問題，攻不鋭守不穏。防守今年弊處在於左右兩路，對印尼同泰國，對手都好識用呢個弱點攻，而且中堅對抗性不足，可見防守力低。而進攻又一問題，三場以Ott 兄弟
、Schrock、Bahadoran 作攻擊點。Ott 兄弟齊齊浪射，Schrock及Bahadoran 埋門力一般，令進攻力大減，攻不鋭守不穏令菲律賓分組賽出局。
相信未來菲律賓足球路仍然依靠歸化，皆因菲律賓各年輕梯隊實力一般，逢大賽輸多過贏，但隨住Younghusband兄弟、Schrock開始隱退，如果再唔多嘗試多機會年輕球員，相信好快沉下去。
利申：並不偏愛菲律賓。
