對團結盃的一點看法與總結｜金仔足球
首屆團結盃今日完結，尼泊爾成為冠軍。今場波焦點唔係尼泊爾拎冠軍，而係球場積水。受到球場積水影響下，澳門確實失色，有唔少波都交失，而尼泊爾就以高空波戓遠射威脅澳門，結果上半場尼泊爾頭鎚建攻，頂入全場唯一入球。
今屆團結盃都有唔少香港球迷留意，可能是因為澳門參賽。提起澳門，今屆以全澳班＋一位歸化兵參賽，賽前無人預計到會入到決賽，結果大踢爭氣波入決賽，亦都可以反映比澳門當地，見到有唔少澳門人都好支持澳門，而呢個盃亦有主流媒體報導，足球可以搞得起？近年澳門多了不少年輕球員彈起，彭梓亨，陳敏和梁嘉恆到外流闖，梁嘉恆更奪今屆MVP。門將何文輝今屆表現不容懷疑。有了未來，澳門想發展更多酒店還是足球？這個問題留待澳門好好思考。
今屆冠軍尼泊爾，其表現難言滿意，至少仍然未改善好進攻問題，中場組職力弱，好多時要靠遠射碰運氣，而前鋒處理把握力都有問題，仍然有待解決。環顧尼泊爾即使今場3比0贏汶萊的比賽，進攻分邊居多，而汶萊在邊路防守上都守得不錯，逼使尼泊爾球員一有空間就遠射，要數尼泊爾有無具威脋射門只有數次，所入的三球都相當幸運（上半場尾段，尼泊爾球員Gurung係禁區外射門，汶萊後衞Azaman 解圍不及，前鋒shrestha射門被龍門撲出但補中入網；下半場尼泊爾角球，另一前鋒khawas接應隊友二傳車身射入，最後汶萊更輸十二碼， 被Magar射入）。
第三的老撾，今屆則以副選參賽，但論踢法比起其他隊伍有板有眼，但近來的假波問題，對於正在發展中的老撾傷害不少。第四的汶萊，由鈴木盃外圍賽到現在，很倚賴前面進攻三角（尤其是Bolkiah和Azwan Ali)，不能寄望太多，今屆表現也甚無驚喜。另一隊甚無驚喜的是東帝汶，棄用歸化球員重用本土年輕球員，預左輸波，尚待磨練。最後更要提及斯里蘭卡，可能係第二弱的球隊。斯里蘭卡主要靠前場球員速度突破，但斯里蘭卡未來足球路相信繼續沉下去。
總結以上好幾隊東南亞球隊，姑且說一說蒙古。賽前甚少人不會看好蒙古出線，結果蒙古在今次團結盃成績踢了三場只得三分。原先的領隊Zorigtyn Battulga 帶領蒙古踢東亞盃資格賽後離開，今井敏明被台灣炒魷後，迅速接下蒙古教練一職，以這三場而言他的執教表現一般。除了第一場對澳門有一點優勢，另外對斯里蘭卡及老撾處於下風，對斯里蘭卡只是贏兩球十二碼，但也不能責怪於佢：始終他只是踢盃賽開賽前兩個星期接任，而蒙古球員質素一般，而且默契不足。今井敏明若能留下，尚要解決一大堆問題。幸好蒙古對足球近年有長足發展，雖說足球在蒙古不算盛行，但足協都仍然繼續推動，先跟日本簽合作協定，另外建立U16梯隊培養新一代。聯賽尚在草創階段，但有了明確發展的方向，將來蒙古足球會有出頭天吧。
雖然呢個團結盃水平低，但要搞大呢個盃仲有好多空間。最後今個星期鈴木盃開波，對東亞足球有興趣的朋友可以大加留意。
