新加坡S.League球季總結｜金仔足球
隨著新潟天鵝拎埋新加坡盃，新加坡賽事正式完結。2016年對於新潟天鵝大豐收的一年，新加坡四大賽事（社區盾、聯賽盃、聯賽、新加坡盃）都係新潟天鵝奪得，成為史上第一隊的四冠王。
天鵝奪冠片段
今屆新加坡聯賽有不同聲音，冠軍再一次由非本土球隊奪得，已經係新加坡聯賽踢左十三年的新潟天鵝，以日本人為班底，成積不算突出，但近年開始彈起，15年贏左新加坡盃及聯賽盃，而且今年走了雙冠教練奥山達之，2015年S.League最佳球員木暮郁哉，但今年沒有更癲，只有更癲。
另一聲音就是聯賽第二，原先汶萊DPMM一直領先，幸好本土爭氣，淡濱尼流浪最尾反超為本土球隊爭一口氣，淡濱尼流浪今年一口氣簽左幼獅幾名球員+新加坡射手Fazrul Nawaz，配合前英超球星Jermaine Pennant及今年引援成功 Billy Mehmet，令今屆班底係亞協走進八強。
今屆S.League已經由外援名額由5減至3，受影響只有汶萊DPMM，但仍然第三位衝線。以往S.League即使有外國勢力介入，新加坡本土球隊一直抗衡，以往有武裝部隊(現勇士)，内政聯。但近年實力愈下，幸好只有淡濱尼流浪彈起，但其他球隊毎年大執，令現時局面競爭力有距離。
