英冠第15週回顧｜金仔足球
環顧英冠聯賽榜形勢：榜首一哥紐卡素繼續大放大勇，兩球擊敗普雷斯頓，前鋒米杜域繼續開火。哈德斯菲爾德近況一般，今場作客富咸更輸五球。第二白禮頓及第四諾域治今周對碰，稍後講。榜尾形勢：洛達咸繼續失分，2比2打和葉士域治，韋根及卡迪夫城今周對碰，結果韋根小勝一球。諾定咸森林近況甚差，由9月中至今仍然未贏波，今周繼續失分，兩球輸雷丁。
【昆士柏流浪對賓福特】
QPR以往印象陣容陣容靚但踢唔起，但近年大執位後，已經面目全非，hasselbaink排出4-1-4-1迎戰，攻門亦有，太依賴 Washington+Chery側擊攻門了，相反賓福特好睇得多，4-3-3陣式，兩邊側擊力強，中場有McEachran+Woods組職，前鋒Hogan不只會企中間，多走動護波力不錯，所以今場賓福特贏得合理。
入球片段：
【布力般流浪對狼隊】
兩隊都正在為護級努力，狼隊炒了Zenga後，Rob Edwards暫時頂替，今場波兩隊實力平均，狼隊仍然踢出個人風格，4-3-3陣式。我曾經都對狼隊踢法感覺良好，但呢個踢法太悶了，經常兩邊出波，但前鋒無個可以有個信賴可以入波，而且前場經常換人，除了Helder Costa是正選外，狼隊經常換人嘗試，依然係未找到最適合陣容。令到狼隊成積每況愈下。
論布力般的季初表現，愚以為呢隊係攻力弱、守不穩，但經過Coyle調整後，有稍稍改善。攻力弱問題已經小小改善，放棄Stokes+Graham組合，中場有Guthrie配合以兩位今季外借到布力般的前鋒攻堅Emnes+Gallagher，Gallagher更是隊中射手已入六球，他頭頂腳下功夫不錯。
入球片段：
【重頭戲：白禮頓對諾域治】
白禮頓今季繼續扮演力爭升上英超角色，而諾域治近況較差，賽前已經輸了兩場，今場更失五球。
今季坐正的McGovern表現一直不錯，但今場甩碌百出上半場McGovern比Glenn Murray力壓下甩波比偷到後射入，上半場白禮頓領先一球。下半場諾域治惡夢來了，前鋒Glenn Murray再入一球，諾域治中場失波後一球反撃Glenn Murray接應右邊傳送頂入。其後白禮頓一個角球，後衞Dunk力壓T. Klose頂入。McGovern再一次犯錯，接應回傳後急著解圍時不夠力Bennett撻Q，Glenn Murray又是你
再一次偷到波後射入。尾段當Timm Klose想轉身過人失敗，Knockaert接應單刀當然是難不到他射入，Glenn Murray連中三元Skalak助攻三次
入球片段：
【SecondCityDerby ：伯明翰對維拉】
久違的伯明翰打吡，無疑伯明翰今場佔優，伯明翰上下半場兩下黃金機會，先有前鋒 Donaldson上半場頭鎚無效，下半場Hutton 出波比 Maghoma 截到單刀比龍門撲出。而維拉近況稍為好轉，近3場2勝1和，Gardner 接應罸球頂入。而布魯士排4-1-4-1陣式迎戰， 呢個陣無驚喜。因為呢場除左係伯明翰打吡，亦係英式踢法打吡，兩邊太喜歡兩邊攻門，所以維拉都係同你鬥側擊。今場焦點是Agbonlahor遭雪藏後，布魯士上任給他一個機會，最後二十分鐘入替。
入球片段：
