亞洲U19錦標賽大發現：塔吉克｜金仔足球
今年係巴林舉行亞洲U19錦標賽已經踢到四強，今年既亮點係越南踢到四強表現令人讚賞，除左越南，仲有一隊就無乜人提及，就係塔吉克U19。
今年塔吉克U19 踢出爭氣波，由老牌教練曾經執教大國腳的Levchenko，今年由他帶領U19外圍賽殺入錦標賽。當初身於D組應該無人會睇好，但點知踢左3場，表現唔差，最後憑得失球力壓澳洲出線。晉身16強後面對日本，實力上無疑有分別，結果輸四球出局。但入到16強已經比起以前進步不少，繼2008年(U19)出不到線，可見今年新一代球員強了不少，提起球員就開始講講新一代球員。這一代U19球員係強了不少，但實力上仍然與強隊有一段距離，但踢左分組賽3場唔似以往咁任人魚肉，其中一場對中國代表作，2008遇上中國被大炒6球，今次贏番中國。
早前都輕輕提及塔吉克新一代球員潛質上不錯，雖然球員來自國内聯賽，但前線上攻擊力不差，Ehson Panjshanbe中前場組職，前鋒Muhammadjon Hassan突破力同護球亦不錯。此兩人都入選過大國腳，另外後防 Davlatmir都入選過。雖然緣盡今次錦標賽，希望呢班球員都可以係大國腳上位。
