帕爾馬 由意丁開始｜十字聯防
【亞視新聞都恢復早午時段啦！降班，又有咩好怕喎？｜十字聯防 Catenaccio】
被港媒戲稱為「意甲亞視」嘅七公主帕爾馬，今年被踢至丁組重新起步。不過新球季總算有個好開始，就係帕爾馬打破球隊季票嘅售賣紀錄，賣出接近5000張。帕爾馬能夠做到咁，皆因球會一直深明”Football without fans is nothing”嘅道理，無人入場，球員點會有心機踢？所以索性將季票減價至大約港幣200元，就可以睇到18場主場波呀！一場意丁大約港幣10元左右，睇到小編都心郁郁呀！至少香港波，唔好話早幾年東方仲響業餘聯賽打滾果陣，就連港甲送飛都分分鐘無人睇啊。而前意大利小國腳、球隊隊長盧卡利尼更願意陪同球隊由意丁打起，佢宜家38歲，希望響佢退休前，至少可以見證球隊升意甲啦(FF)。
意丁並非職業規格的聯賽，一共分9組，每組大約18-20隊，每組第1名將會自動升至意丙，而每組第2位至第5位將會進行36隊附加賽，獲勝者可獲進入升班「後補資格」，如果意丙有球隊因為破產降班，該勝利者就可以以後補身份補上。
延伸閱讀：
運動公社，《輪迴地獄與人間：帕爾馬崩解的悲劇》
goo.gl/Pq6XLt
十字聯防 Catenaccio 網頁：
on.fb.me/1Dilr6g
